Memlekettik organdardyń ashyqtyq deńgeiin anyqtaý úshin saraptama júrgiziledi. Bul týraly QR Aqparat jáne qoǵamdyq damý ministri Aida Balaeva inbusiness.kz saityna bergen suhbatynda aitty, dep habarlaidy QazAqparat.
«Ministr ne ákim, basqarmanyń basshysy mańyzdy emes, árbir basshy óziniń barlyq strategiialyq maqsattary men mindetteriniń halyqqa málim bolǵandyǵyna múddelik tanytýy tiis. Halyqtyń qatysýy jáne jumyldyrylýy – bul sol nemese basqa istiń, sol ne basqa baǵdarlamanyń tabysy», - dedi ministr.
Onyń atap ótýinshe, aqparatqa qoljetimdilikke shekteýdiń bolmaýy birinshi basshyǵa bailanysty.
«Osy oraida bul rejimniń qanshalyqty sozylatyndyǵyn Aqparat jáne qoǵamdyq damý ministrligi aiqyndamaityndyǵyn atap ótkim keledi. Virýsty eshkim oilap tapqan joq. Búkil álem qazir qolaisyzdyqty bastan keshirýde. Degenmen, aqparatqa qoljetimdikke qatysty aitar bolsam, ótken jyldyń sońynda Prezident Aqparatqa qoljetimdilik týraly zańǵa túzetýlerge qol qoidy. Onda Aqparat jáne qoǵamdyq damý ministrligi bul salaǵa ókiletti organ retinde aiqyndaldy. Bul túzetýler barlyq memlekettik organda aqparatqa qoljetimdilik úshin jaýapty bólimsheniń jumys isteýin nemese naqty qyzmetkerdiń aiqyndalýyn kózdeidi. Eger aqparatqa qoljetimdilik jaiynda aitar bolsaq – bul normativtik-quqyqtyq aktilerdiń ashyq portaly, ashyq biýdjetter, birinshi basshylardyń jeke blogtary, memlekettik organdar saitynyń tiimdi jumysy. Biz memlekettik organdardyń ashyqtyq deńgeiin anyqtaý úshin saraptama júrgizemiz. Qorytyndysynda Prezident atyna saraptamalyq baiandama daiyndaityn bolamyz. Bul osy baǵytta birinshi basshylardyń jaýapkershiligin arttyrady», - dedi Aida Balaeva.
