Memlekettik organdardyń 310 saity 2020 jyldyń sońyna deiin biryńǵai platformaǵa biriktiriledi. Bul týraly QR Tsifrlyq damý, innovatsiialar jáne aeroǵarysh ónerkásibi ministrliginiń keńeitilgen alqa májilisinde vedomstvo basshysy Asqar Jumaǵaliev málim etti, dep habarlaidy QazAqparat.
«Búgingi kúni mobildi úkimet ár azamattyń qaltasyna smartfon retinde «syiyp ketken». Bul neni bildiredi? eGov mobile mobildi qosymshasynda barlyq qajetti qujat, atap aitqanda, jeke kýálik, týý týraly kýálik, neke týraly kýálik – bári júktelgen. «Jańa tehnologiialar týraly» zańnyń shyǵýymen atalǵan qujattardyń mártebesi qaǵaz júzindegi túpnusqa qujattarmen teńesedi», - dedi Asqar Jumaǵaliev.
Sonymen qatar, ministrdiń aitýynsha Ishki ister ministrligimen birge júrgizýshi kýáligin atalǵan qosymshaǵa qosý máselesi pysyqtalyp jatyr.
«Bir kóligi bar otbasyndaǵy eki adam úshin bul óte yńǵaily bolmaq. Tehnikalyq qujattardy berip otyrýdyń qajettigi artta qalady. Memlekettik organdardyń internet-resýrstarynyń biryńǵai platformasy memorgandar men ákimdikterdiń shashyrap jatqan saittaryn GGOV.kz biryńǵai saityna biriktirýge múmkindik beredi», - dedi ministr.
Asqar Jumaǵaliev memlekettik organdardyń 310 saity jyl sońyna deiin biryńǵai platformaǵa biriktiriletinin málimdedi. Joba 2 mlrd teńgelik biýdjet qarajatynyń únemdelýine jol ashyp, saittardyń 100 paiyz qoljetimdi bolýyn qamtamasyz etedi.
