Taǵy 6 anyqtama aqparttyq qyzmet tiziminen alynyp tastalmaq, dep habarlaidy "Ult aqparat".
Jýyqta memlekettik organǵa júginýshilerden suralatyn 6 anyqtama qoldanystan alynýy múmkin. Bul týraly Memlekettik qyzmet isteri agenttigi tóraǵasynyń orynbasary Darhan Jazyqbaev aitty.
«Azamattardan aqparattyq qyzmetterdi suratýdy joiý maqsatynda taǵy da 6 túrli anyqtamalyq qyzmetter tizilimnen alynyp tastalady. Olar: «Azamattyń áskeri qyzmetke qatynasy týraly anyqtamalar berý», «Jyljymaly múlik kepiliniń tiziliminen úzindi berý», «Jyljymaityn múlikke tirkelgen quqyqtar jáne toqtatylǵan quqyqtar týraly anyqtamalar berý», «Jyljymaityn múlik iesi týraly málimetti qamtityn tehnikalyq pasportqa qosymshany berý», «Taýar belgileri, taýar shyǵarylǵan jerlerdiń ataýlary memlekettik tizilimderinen úzindi kóshirmesin usyný» jáne «Zańdy tulǵalar» memlekettik derekqorynan anyqtama berý», - dedi vedomstvo ókili.
Darhan Jazyqbaevtyń sózine qaraǵanda, atalmysh ózgeristerdiń jobasy qazir Ádilet ministrliginiń qaraýynda jatyr.
