Memlekettik organdardyń basshylary halyqpen tildesýden qorqady, bilmeidi. Bul týraly Májilis otyrysynda Qazaqstan Prezidenti Qasym-Jomart Toqaev málimdedi, - dep habarlaidy Tengrinews.kz tilshisi.
"Tutastai alǵanda, sheneýnikterdiń halyqpen dialogynyń tiimdiligi burynǵysha tómen ekenin aitý qajet. Memlekettik organdardyń basshylary halyqpen tildese almaidy, keide qorqady. Úkimet músheleri óńirlerge turaqty túrde shyǵyp turýy tiis, al óńirlerdiń ákimderi árbir eldi mekenniń turǵyndarymen turaqty kezdesýler ótkizýge mindetti", - dedi Toqaev.
Sondai-aq, Prezident biýrokratiia problemasyn aitty.
"Ol turǵyndarda memlekettik apparat týraly baiaý jáne nemquraidy mashina degen uǵymdy durys qalyptastyryp otyr. Biýrokratiia - reformalardy sapasyz júzege asyrýdyń sebepteriniń biri. Bul aýrýdan bárimizge emdelýge týra keledi. Basymdyq formada emes, mazmunda bolýy kerek. Esep úshin esep, baqylaý úshin baqylaý júrgizý ótkende qalýy tiis. Sońǵy nátije protsesten mańyzdyraq", - dedi Memleket basshysy.
