Barlyq salada memlekettik tildiń úlesin arttyrý - búgingi basty mindet.
Sondyqtan memlekettik organdar óz jumystary barysynda qujat ainalymdarynda memlekettik tildiń úlesin arttyrýdy erekshe nazarǵa alýy tiis. Sot júiesinde bul mindetti oryndaý kezeń-kezeńimen júzege asyrylyp keledi.
Almaty qalasy Alataý aýdandyq sotynda sýdia Talǵat Makýlov ótkizgen «Memlekettik til» taqyrybyndaǵy seminarda osy másele kezekti ret talqylandy. Sharaǵa Alataý aýdandyq sotynyń sýdialary jáne mamandary, aýdandyq prokýratýra, politsiia departamenti ókilderi qatysty. Sot isterin memlekettik tilde júrgizýdiń jai-japsaryn sóz ete kele, seminar moderatory Talǵat Makýlov sot óndirisine qabyldanatyn isterdiń arasynda memlekettik tildiń úles salmaǵy jyldan jylǵa kóbeiip kele jatqandyǵyna toqtaldy. «Memlekettik tildiń órisin keńeitýge qoldaý kórsetý ár saladaǵy quzyrly, jaýapty mekemelerdiń óz isterin, ishki jáne syrtqy qujattar ainalymyn sol tilde júrgizýiniń esebinen júzege asady. Árine, sotqa talap aryz qai tilde tússe, is sol tilde qaralady. Bul jaǵynan bizdegi kórsetkishter kóz qýantady jáne munda Alataý aýdany turǵyndarynyń negizinen qazaqtar ekendiginiń de úlesi baryn joqqa shyǵarmaýymyz kerek. Al, sot qujattaryn memlekettik tilde sapaly qurastyrý, memlekettik organdardyń arasyndaǵy hattardy memlekettik tilde júrgizý ózimizge bailanysty», — dedi Talǵat Abdýllauly.
Sondai-aq, seminarǵa qatysýshy quzyrly jáne qadaǵalaýshy organ ókilderi aldaǵy ýaqytta bul baǵyttaǵy jumystardy jandandyra túsý úshin qolǵa alynýy qajetti tetikter jaily oilaryn ortaǵa salyp, qatysýshylar atalmysh máseledegi jumystardy jetildirýge septigi zor osyndai sharany jii ótkizip turý qajettigin aitty.
