2022 jyly Memlekettik organdardyń internet-platformasyndaǵy qazaqtildi aqparattyń sapasyna erekshe kóńil bólinetin bolady.
Sondai-aq múmkindigi shekteýli jandarǵa aqparattyń memlekettik tilde qoljetimdi bolýy qamtamasyz etiledi. Bul týraly Aqparat jáne qoǵamdyq damý ministri Aida Balaeva málimdedi, dep habarlaidy Baq.kz portaly.
Búgin Aqparatqa qol jetkizý máseleleri jónindegi komissiianyń otyrysy ótti. Otyrysta «Ashyq úkimet» portalyn jáne memlekettik organdardyń internet resýrstarynyń biryńǵai platformasyn damytý máseleleri talqylandy.
Búginde 17 ministrlik, 54 Komitet jáne 17 jergilikti atqarýshy organ internet-resýrstardyń biryńǵai platformasyna kóshti.
Jiynda Tsifrlyq damý, innovatsiialar jáne aeroǵarysh ónerkásibi vitse-ministri Áset Turysov internet-portaldardyń jumysyn jaqsartý boiynsha qandai jumystar istelip jatqanyn baiandady. Onyń aitýynsha, memlekettik organdardyń jańalyqtaryn, anyqtamalyq aqparattardy, qujattardy, NQA-lardy basqa resýrstarǵa aýyspai-aq biryńǵai platformadan alýǵa bolady.
MO IRBP-da memlekettik organdardyń barlyq saittaryn biriktirip, aqparat alý men ózara áreket etý biryńǵai terezesine ainaldy. Qurylymy jańartylǵan biryńǵai dizain, yńǵaily navigatsiia jáne ońai aqparat berýdi, izdeýdi jeńildetedi. «Ashyq úkimet» portaly boiynsha júieni turaqtandyrý, portaldyń jumysyn jaqsartý boiynsha aýqymdy jumys istedik. Barlyq server bir platformaǵa biriktirildi. Búginde portal jaqsy jumys istep tur, burynǵydai tehnikalyq aqaýlar joq, - dedi vitse-ministr.
Spikerdiń orys tilindegi baiandamasyn estigen Aida Balaeva memlekettik tilde sóileý kerek ekenin aityp, eskertý jasady.
Aýqymdy jumys istelgen. Dese de barlyǵyn bólek tanystyrýymyz kerek. Nátijesinde tehnikalyq aqaýlar bar ma, joq pa ekenin, bul jumystardyń tiimdiligin baiqaimyz. Halyq eshqandai tehnikalyq qiyndyq kórmeýi kerek. Memlekettik tildegi aqparatty kóbeitýimiz kerek. Óitkeni qazir aýditoriia aqparatty memlekettik tilde qoldanyp otyr. Endigi jyly memlekettik organdardyń internet-platformasyndaǵy qazaq tildi aqparattyń sapasyna kóńil bóletin bolamyz. Óitkeni orys tilinen jasalǵan aýdarma sapasyz. Aqparattyń maǵynasy joǵalyp ketedi, al ol óte tiimsiz. Ekinshi másele - múmkindigi shekteýli adamdarǵa aqparattyń memlekettik tilde qoljetimdiligi. Osyǵan mán beretin bolamyz. Ministrliktiń endigi jylǵy jumysynyń strategiialyq josparynda naqty joba retinde osy jumys qolǵa alynady. Kózi kórmeitin, qulaǵy estimeitin jandarǵa aqparatty jetkizý máselesi áli kúnge deiin jolǵa qoiylmaǵan, - dedi ministr.
