Almatyda QR Memlekettik rámizder kúnine orai qaladaǵy kóptegen nysandar merekege sai bezendirildi, dep habarlaidy QazAqparat.
Qalalyq Mádeniet basqarmasy merekege bailanysty qalanyń 8 aýdanynda túrli mádeni sharalar uiymdastyrǵan.
Atap aitqanda, búgin Rysqulov pen Áshimov kósheleriniń qiylysynan bastap baikerler ánurandy shyrqap, Rysqulov-Momyshuly-Móńke bi-Sain kóshelerin aralap kelip «Almaty Arena» janyna toqtaidy.
Sondai-aq, ár aýdandaǵy turǵyn úi keshenderinde Qazaqstan Respýblikasynyń týy kóterilip, ánuran shyrqalady.
Odan bólek, túrli ult ókilderi men mamandyq ieleri arasynda memlekettik ánurannyń onlain fleshmoby ótedi.
Búgin Dostyq dańǵylynda Qazaqstan qonaq úiinde «Meniń týym» memlekettik aktsiiasy josparlanǵan.
Keshki 16:00 shamasynda Abai kóshesinde Memlekettik týdy kótergen avtosherý ótedi.
Sonymen qatar, «Premera» TK, «Shuǵyla» shaǵyn aýdanynda turǵyndar saltanatty túrde ánurandy oryndaidy.
Sondai-aq búgin Almaty ákimi Baqytjan Saǵyntaev Twitter -degi paraqshasynda qala turǵyndary men qonaqtaryn Memlekettik rámizder kúnimen quttyqtady.
«Memlekettik rámizder kúnimen quttyqtaimyn! Barlyq qiyndyqty birge eńserip, qýanyshqa sebep kóp bolsyn. Týǵan qalamyz ben Otanǵa degen mahabbatymyzdy ónegeli isterimiz jáne qol jetkizgen biik jetistikterimiz arqyly kórseteiik», - dep atap ótti ákim.
Aita ketý kerek, osydan týra 28 jyl buryn, naqty aitqanda 1992 jyldyń 4 maýsymynda QR Tuńǵysh Prezidenti - Elbasy Nursultan Nazarbaev «Qazaqstan Respýblikasynyń Memlekettik týy týraly», «Qazaqstan Respýblikasynyń Memlekettik eltańbasy týraly» jáne «Qazaqstan Respýblikasy Memlekettik ánuranynyń mýzykalyq redaktsiiasy týraly» Zańdarǵa qol qoiǵan edi. Al «Qazaqstan Respýblikasynyń Memlekettik rámizderi týraly» Konstitýtsiialyq Zań 2007 jyly 4 maýsymda qabyldandy. Osy Zańǵa sáikes jyl saiyn 4 maýsym Qazaqstan Respýblikasynda Memlekettik rámizder kúni retinde merekelenedi.
