Foto: © Sputnik / Aleksei Nikolskii
Qazaqstan Prezidenti Qasym-Jomart Toqaev Qazaqstan Respýblikasynyń Memlekettik kúzet qyzmeti týraly jarlyqqa engizilgen túzetýlerge qol qoidy, dep habarlaidy Sputnik Qazaqstan.
Qujattyń jańa redaktsiiasyna sáikes, Memlekettik kúzet qyzmeti budan bylai elimizdiń Tuńǵysh Prezidenti Nursultan Nazarbaevty qorǵaýdy qamtamasyz etpeidi.
Túzetýler "Qazaqstan Respýblikasynyń Tuńǵysh Prezidenti - Elbasy týraly" Konstitýtsiialyq zańnyń kúshi joiylýyna bailanysty engizildi.
Qujattyń jańartylǵan nusqasynda kúzet mindetteriniń ishinen "Memlekettik kúzet qyzmetiniń missiiasy - Qazaqstan Respýblikasynyń Tuńǵysh Prezidenti - Elbasynyń, basqa da kúzetiletin adamdar men obektilerdiń qaýipsizdigin qamtamasyz etý, kúzetiletin adamdardyń qaýipsizdigin qamtamasyz etý máselelerin uiymdastyrý jáne úilestirý" tarmaǵy alynyp tastaldy.
Túzetýlerge sáikes, memlekettik kúzettiń mindetterine mynalar kiredi:
• Qazaqstan Respýblikasy Prezidentiniń jáne basqa da kúzetiletin adamdardyń (iaǵni, qazirgi kúngi - Sputnik) qaýipsizdigin qamtamasyz etý;
• QR Prezidentiniń jáne basqa da kúzetiletin adamdardyń ómirine, densaýlyǵyna, quqyqtaryna, bostandyqtaryna, jeke basynyń qadir-qasietine jáne menshigine qarsy baǵyttalǵan quqyq buzýshylyqtardy anyqtaý, olardyń aldyn alý jáne jolyn kesý;
• kúzetiletin obektilerde jáne kúzetiletin adamdar bolatyn basqa jerlerde menshikti qorǵaý, qoǵamdyq tártip pen qaýipsizdikti qamtamasyz etý;
• óz ókilettikteri sheginde terrorizmge qarsy is-qimyldy júzege asyrý;
• kúzetiletin adamdar men obektilerge tónetin qaterlerdi boljaý jáne anyqtaý, olardyń aldyn alý jáne beitaraptandyrý jónindegi jedel sharalar keshenin júzege asyrý;
• QR Memlekettik Týy men QR Memlekettik Eltańbasynyń etalondaryn qorǵaý, saltanatty jáne hattamalyq is sharalardy oryndaýǵa qatysý;
• prezidenttik bailanyspen qamtamasyz etýdi uiymdastyrý;
• Qazaqstan Prezidentiniń zańdarymen jáne aktilerimen aiqyndalatyn ózge de mindetter.
Jarlyq 2023 jylǵy 4 tamyzdan bastap qoldanysqa engiziledi.
Memlekettik kúzet qyzmeti – Qazaqstan Respýblikasy Prezidentiniń basqa kúzetiletin adamdar men obektilerdiń qaýipsizdigin qamtamasyz etý jónindegi kúzet is-sharalaryn júzege asyratyn prezidentke tikelei baǵynatyn jáne esep beretin arnaýly memlekettik organ.
