Memleket basshysy Qasym-Jomart Toqaevtyń Ókimimen Talǵat Sábituly Muhtarov Qazaqstan Respýblikasy Memlekettik kúzet qyzmeti bastyǵynyń orynbasary bolyp taǵaiyndaldy, dep habarlaidy Aqorda.
Talǵat Sábituly 1966 jyly 5 naýryzda Qaraǵandy oblysy Temirtaý qalasynda dúniege keldi.
Eńbek ótili: QR Bas prokýratýrasy áskeri prokýratýra organdarynda qyzmet etken (1992-1994); QR UQK organdarynda - asa mańyzdy ister boiynsha aǵa tergeýshi, basqarma bastyǵynyń orynbasary, basqarma bastyǵy, Departament bastyǵynyń orynbasary (1997-2011); QR Qorǵanys ministrligi kadr departamentiniń bastyǵy (2011-2014). 2014-2019 jyldary QR Qorǵanys ministriniń orynbasary.
Osy taǵaiyndaýǵa deiin Qazaqstan Respýblikasy Qaýipsizdik Keńesiniń Áskeri qaýipsizdik jáne qorǵanys bóliminiń meńgerýshisi boldy.
II dárejeli «Dańq» ordenimen; «Jaýyngerlik erligi úshin» medalimen; 15 vedomstvolyq, mereitoilyq medalmen marapattalǵan.
Eske salsaq, Elbasynyń sheshimimen Talǵat Muhtarov basqa jumysqa aýysýyna bailanysty Qazaqstan Respýblikasy Qaýipsizdik Keńesiniń Áskeri qaýipsizdik jáne qorǵanys bóliminiń meńgerýshisi qyzmetinen bosatylǵan edi.
Sonymen qatar, búgin Memlekettik kúzet qyzmeti bastyǵynyń orynbasary Ázimhan Júsipov qyzmetinen bosatyldy.
