Qazaqstanda biylǵy 1 qazannan bastap filtrli shylymdarǵa, al 2021 jylǵy 1 sáýirden bastap temeki ónimderiniń basqa da túrlerine mindetti tańbalaý engiziledi, dep habarlaidy "Ult aqparat".
«Tańbalanýǵa jatatyn taýarlar tizbesin aiqyndaý týraly» Qazaqstan Respýblikasy Úkimetiniń 2020 jylǵy 10 qyrkúiektegi qaýlysyna sáikes, 2020 jylǵy 1 qazannan bastap temeki ónimderine (filtrli sigaretter), 2021 jylǵy 1 sáýirden bastap temeki ónimderiniń basqa da túrlerine mindetti tańbalaý engiziledi, tsifrlyq tańbalaý qoldanylatyn taýarlar toby aiqyndaldy.
Sonymen birge, «Temeki ónimderin tańbalaý qaǵidalaryn bekitý týraly» Qarjy ministriniń 2020 jylǵy 28 qyrkúiektegi buiryǵy bekitildi.
«Tańbalaý qaǵidalary temeki ónimderin sáikestendirý quraldarymen tańbalaý tártibin jáne onyń Qazaqstan Respýblikasynda odan ári qadaǵalanýyn aiqyndaidy. Tańbalaý qaǵidalaryna sáikes, Óndirýshi Qazaqstan Respýblikasynda óndirilgen temeki ónimderin Tańbalaý qaǵidalarynyń talaptaryna sáikes tańbalaýdy júzege asyrady», - delingen QR QM Memlekettik kirister komiteti baspasóz qyzmetiniń málimetinde.
Importtaýshy Qazaqstan Respýblikasynan tysqary jerlerde óndirilgen temeki ónimderin elimiz aýmaǵyna ákelgenge deiin nemese temeki ónimderin kedendik rásimimen ornalastyrǵanǵa nemese keri importqa deiin tańbalanýyn qamtamasyz etedi.
