Premer-Ministr Asqar Maminniń tóraǵalyǵymen ótken Úkimet otyrysynda qarjy ministri Erulan Jamaýbaev 2020 jyldyń 8 aiynyń qorytyndysy boiynsha respýblikalyq biýdjettiń oryndalýy týraly baiandady, dep habarlaidy "Ult aqparat".
Memlekettik biýdjetke (transfertterdi esepke almaǵanda) 5,5 trln teńge somasynda, respýblikalyq biýdjetke 3 trln 455 mlrd teńge somasynda kirister tústi.
Kirister boiynsha jospardyń atqarylmaýy 610 mlrd teńgeni qurady. Negizgi atqarylmaý somalary qosylǵan qun salyǵy (596 mlrd teńge) jáne korporativtik tabys salyǵyna (260 mlrd teńge) tiesili boldy.
Jergilikti biýdjetterdiń menshikti kiristeri 121%-ǵa atqaryldy jáne 2 trln teńgeden astamdy qurady. Jospar 353 mlrd teńgege asyra oryndaldy. Onyń ishinde salyqtar boiynsha - 328 mlrd teńgege.
Barlyq óńirlerde kirister josparlary asyra oryndaldy.
Memlekettik biýdjettiń shyǵystary 98,8%-ǵa, respýblikalyq biýdjettiń shyǵystary - 99,5%-ǵa, jergilikti biýdjetterdiń shyǵystary - 98,4%-ǵa atqaryldy.
Respýblikalyq biýdjettiń shyǵystary 9 trln 251 mlrd teńgeni qurady. 45 mlrd teńge atqarylmaǵan. Onyń ishinde únemdeý – 17 mlrd teńge, igerilmegeni – 28 mlrd teńge.
«Igerilmeýdiń negizgi sebepteri: konkýrstyq rásimderdi, sharttardy jasasý rásimderin uzaq jáne ýaqtyly ótkizbeý, oryndalǵan jumystar aktilerin usynbaý, karantindik shekteýlerge bailanysty taýarlardy jetkizbeý, naqty kórsetilgen qyzmetter kólemi, oryndalǵan jumystar úshin aqy tóleý, sondai-aq respýblikalyq biýdjettiń qolma-qol aqshany baqylaý shotyndaǵy qarajattyń jetkiliksizdigi», — dedi ministr.
Jergilikti biýdjetterdiń shyǵystary 4,9 trln teńgeni qurady. Atqarylmaǵany - 80 mlrd teńge.
Aǵymdaǵy jyly óńirlerge 2,3 trln teńge somasynda nysanaly transfertter kózdelgen.
Aldyn ala málimetter boiynsha olarǵa 1 qyrkúiekke 1,4 trln teńge bólindi. Onyń ishinde 97,9%-y igerilgen. Atqarylmaǵany - 29 mlrd teńge. Onyń ishinde 7 mlrd teńge únemdeldi, 22 mlrd teńge igerilmedi.
Ótken 8 aida kameraldyq baqylaýmen somasy 12,3 trln teńgege 1 mln asa memlekettik satyp alý rásimi qamtyldy. Tekserý qorytyndylary boiynsha somasy 4,6 trln teńgege buzýshylyqtar eskertildi. 1 myńnan asa aýditorlyq is-shara ótkizildi.
«Aýditpen 603 mlrd teńge biýdjet qarajaty qamtyldy. Somasy 168 mlrd teńgege qarjylyq buzýshylyqtar anyqtaldy. Taýarlar jetkizilimin qalpyna keltirý, qyzmetter kórsetý jáne jumystardy oryndaý, biýdjetke óteý jáne esep boiynsha kórsetý jolymen 162 mlrd teńgege buzýshylyqtar joiyldy. Aýdit obektileri qyzmetin jetildirý jáne tiimdiligin arttyrý úshin 966 usynym berildi. Onyń ishinde 760-y oryndaldy», — dedi Jamaýbaev.
2016-2020 jyldarǵa arnalǵan Jekeshelendirýdiń keshendi jospary 93%-ǵa oryndaldy. 2020 jyly 74 obektini satý josparlanyp otyr. Onyń ishinde 38-i satylymǵa qoiyldy. Esepti kezeńde somasy 88,4 mlrd teńgege 6 obekti satyldy. Saýda-sattyqta 32 obekti tur.
5 obekti qaita uiymdastyrýǵa jáne taratýǵa jiberildi. 18 obekti jyl sońyna deiin satýǵa qoiylatyn bolady. 13 obekt boiynsha iske asyrý merzimi 2021-2024 jyldarǵa aýystyryldy. Esepti kezeńdegi biýdjettiń atqarylý nátijeleri osyndai.
