QR Prezidenti Qasym-Jomart Toqaev Parlament Májilisiniń otyrysynda kedeilikpen kúres jónindegi josparyn tanystyrdy, dep habarlaidy QazAqparat.
«Azamattardyń baqýattylyǵy jáne áleýmettik qamsyzdyǵy memlekettiń basty nazarynda bolýy kerek. Sanmen oiyndy qoiyp, naqty isterge kóshetin kez keldi. Memlekettik apparat kóp jaǵdaida «ózin-ózi tiimdi jumyspen qamtýshylar», «resmi emes jumyspen qamtý» siiaqty temindermen búrkemelenýdi jaqsy kóredi», - dedi Prezident.
Aitýynsha, sonyń saldarynan kóptegen adamdar jumyssyzdyqpen betpe-bet kelip jáne áleýmettik qorǵaýsyz qalyp jatyr.
«Bul áleýmettik-eńbek salasyn sapaly jańartýdy qajet etedi. Osy maqsatpen mynadai sharalardy qabyldaǵan jón. Halyqtyń tabysyn arttyrý baǵdarlamasyn ázirleý qajet. Jumys naqty ári ár azamatqa baǵdarlanǵan bolýy kerek. Basqarýdyń ár deńgeiinde kedeilikti tómendetýdyń naqty kórsetkishterin bekitý qajet», - dedi Qasym-Jomart Toqaev.
