QR Qarjy ministri Erulan Jamaýbaev biylǵy memlekettik aýdit nátijesin aityp berdi, dep habarlaidy "Ult aqparat".
«Biylǵy 5 aida kameraldyq baqylaýmen 3,9 trln teńgege 448 myńnan astam memlekettik satyp alý rásimi qamtyldy. Tekserý qorytyndysyna sáikes, 13 myń rásim boiynsha buzýshylyqtar anyqtaldy», - dedi Qarjy ministri búgingi Úkimet otyrysynda.
Ministrdiń aitýynsha, memlekettik aýdit nysandary buzýshylyqtardy joiý týraly 12,5 myń habarlamany oryndaǵan. 1 416 aýditorlyq is-shara ótkizildi. 840 mlrd teńge biýdjet qarajaty aýditpen qamtylǵan.
«87 mlrd teńge somasyna qarjylyq buzýshylyqtar anyqtaldy. Taýarlardy jetkizý, qyzmetterdi kórsetý jáne jumystardy oryndaýdy qalpyna keltirý, biýdjetke óteý jáne esepke alý jolymen 68 mlrd teńgege buzýshylyqtar joiyldy. Aýdit nysandary qyzmetiniń tiimdiligin jetildirý jáne arttyrý úshin 1 227 usynym berildi», - deidi Jamaýbaev.
