Áleýmettik jeli qoldanýshysy Gúljámilá Sársenbaiqyzy úkimetten 10 sotyq jer alý kezegine turyp, jyldar óte dittegen maqsatyna jetkenin aitty. Bul týraly "Ult aqparat" habarlaidy.
Aitýynsha, memleket basshysy Qasym-Jomart Toqaev árbir qazaqstandyq 10 sottyq jer alýǵa elektrondy túrde ótinim bere alatyn múmkindik jasaýdy tapsyrǵan sátte-aq, ol ótinim tastaǵan. Ózimen qosa, aǵaiyn-týys báriniń atynan jan-jaqqa jer alýǵa kezekke turǵyzǵan.
Bir adam 5 jerge deiin kezekke turýǵa bolady, qaisybiriniń kezegi birinshi keledi sodan alady da, qalǵan kezekten avtomatty túrde shyǵarylady degen soń, eldegi úlken 3 megopoliskke kezekke turdym da, sodan qalǵanyn, oilana kele, aidaladaǵy bir aýylǵa ótinim tastaǵan edim, - deidi Sársenbaiqyzy.
Osylaisha qyz Túrkistan oblysy, Otyrar aýdany, Baltakól aýyly, Kólqudyq eldi mekenin belgilegen. Bul jer marqum ákesiniń týǵan jeri eken. Aitýynsha, 2 jyl buryn toǵyzynshy bolǵan kezegi biyl jetip, máre-sáre bolyp jatqan kórinedi.
"Endi ákemniń ósken aýylynda meniń de úiim bolady. "Aityldy-oryndaldy" degenniń mysaly bolyp otyrmyn ǵoi, qurmetti Aqorda! Osydan-aq bile berińiz Túrkistan oblysy ákimdigine qarasty aýdan ákimshilikteri qalai tapsyrmany oryndaitynyn. Endigi máselem - úidi kirpishten turǵyzaiyn ba, álde shlaktan ba, tsement nesheden bolyp jatyr eken?", - dep maqtady qyz.
