Jalǵan shot-faktýralardy jazyp bergen bir top adam memleketke 265 mln teńgeden astam shyǵyn keltirdi, dep habarlaidy "Ult aqparat" Qarjylyq monitoring agenttigine silteme jasap.
"QMA Qaraǵandy obl. boiynsha departamenti Amangeldi Qýanysh esimdi uiymdastyrýshysy bar bir top tulǵalar tobyna qatysty jumystardy is júzinde oryndaýsyz, qyzmet kórsetýsiz jáne taýarlardy tiep-jóneltpei jalǵan shot-faktýralardy shyǵarý faktisi boiynsha sotqa deiingi tergeýdi aiaqtady.
Tergeý barysynda Amangeldi Q. 2017 jyldan bastap 2019 jylǵa deiingi kezeńde úsh seriktesimen aldyn-ala kelisim boiynsha qylmysqa barǵany anyqtaldy.
Amangeldi Q. paida alý maqsatynda 265 million teńgeden astam mólsherde memleketke zalal keltirilgen salyq salynatyn ainalymdy jasandy túrde arttyrý úshin baqylaýdaǵy tulǵalar atyna 29 kásiporyn satyp alyp, tirkedi" - delingen habarlamada.
Sot úkimimen Amangeldi Qýanysh, Fýrinets Dmitrii, Zinchenko Sergei jáne Amangeldi Aidos qylmys jasaǵany úshin kináli dep tanylyp, qylmystyq-atqarý júiesi mekemesinde jazasyn óteýmen 2 jyldan 2,5 jylǵa deiingi merzimge bas bostandyǵynan aiyryldy.
