Kezdesýde Prezident Qasym-Jomart Toqaev senator Stiv Deinsti AQSh táýelsizdiginiń 250 jyldyǵymen quttyqtady, dep habarlaidy ult.kz.
Memleket basshysy Qazaqstan men Qurama Shtattar arasyndaǵy kópjosparly yntymaqtastyqtyń damý qarqynyn joǵary baǵalady. Saýda-ekonomikalyq jáne investitsiialyq yqpaldastyqtyń ornyqty ósimine nazar aýdaryldy.
Prezident byltyr qarasha aiynda AQSh-qa sapary barysynda qol qoiylǵan ekijaqty kelisimderdi sapaly júzege asyrýdyń mańyzyn atap ótti.
Osy oraida Qasym-Jomart Toqaev jyl sońynda Maiamide ótetin G20 sammitine qatysý úshin AQSh-qa jasaityn sapary aiasynda ekijaqty yqpaldastyqty odan ári tereńdetýge daiyn ekenin aitty.
Memleket basshysy Qazaqstan men Qurama Shtattar arasyndaǵy keńeitilgen strategiialyq seriktestikti nyǵaitýǵa úles qosqany, sonymen birge Djekson-Venik túzetýleriniń kúshin joiý jónindegi zańnamalyq bastamany ilgeriletý máseleleri boiynsha elimizdi udaiy qoldap kele jatqany úshin senatorǵa rizashylyǵyn bildirdi.
Stiv Deins qazaq-amerika qarym-qatynasyn keńeitýge beiildiligi úshin Qasym-Jomart Toqaevqa AQSh Prezidenti Donald Tramptyń jyly lebizi men yqylasyn jetkizdi.
Senator Qazaqstannyń jańa Konstitýtsiia qabyldaǵanyna erekshe toqtalyp, Prezidentti aýqymdy saiasi reformalardy tabysty iske asyrýymen quttyqtady.
Stiv Deins Negizgi zańǵa arqaý bolǵan qaǵidattar men qundylyqtar Qazaqstandy qýatty ári ozyq memleket retinde odan ári jańǵyrtýǵa berik negiz qalaitynyna senim bildirdi.
Áńgimelesý barysynda halyqaralyq jáne aimaqtyq kún tártibiniń ózekti máseleleri jóninde pikir almasý ótti.
