Foto: Akorda.kz
Memleket basshysynyń «Qazaqstan Respýblikasynyń memlekettik basqarý júiesin odan ári jetildirý jónindegi sharalar týraly» Jarlyǵymen birqatar ministrlik qaita quryldy, dep habarlaidy "Ult aqparat" Aqordanyń baspasóz qyzmetine silteme jasap.
Olar:
• Qazaqstan Respýblikasynyń Sý resýrstary jáne irrigatsiia ministrligi;
• Qazaqstan Respýblikasynyń Kólik ministrligi;
• Qazaqstan Respýblikasynyń Týrizm jáne sport ministrligi;
• Qazaqstan Respýblikasynyń Mádeniet jáne aqparat ministrligi;
• Qazaqstan Respýblikasynyń Ónerkásip jáne qurylys ministrligi.
***
Qazaqstan Respýblikasy Konstitýtsiiasynyń 44-babynyń 3) tarmaqshasyna sáikes memlekettik basqarý júiesin jańǵyrtý jáne onyń tiimdiligin arttyrý maqsatynda QAÝLY ETEMIN:
1. Mynalar:
1) Qazaqstan Respýblikasynyń Ekologiia jáne tabiǵi resýrstar ministrligi odan Qazaqstan Respýblikasynyń Sý resýrstary jáne irrigatsiia ministrligin bólip shyǵarý, oǵan sý qoryn paidalaný jáne qorǵaý, sýmen jabdyqtaý, sý burý salasyndaǵy fýnktsiialar men ókilettikterdi berý jolymen;
2) Qazaqstan Respýblikasynyń Indýstriia jáne infraqurylymdyq damý ministrligi ony:
temirjol, avtomobil, ishki sý kóligi; saýda maqsatynda teńizde júzý salalaryndaǵy; Qazaqstan Respýblikasynyń áýe keńistigin paidalaný men azamattyq jáne eksperimenttik aviatsiia qyzmeti; aeronavigatsiia men áýejailardyń kórsetiletin qyzmetteri salasyndaǵy tabiǵi monopoliialar; áýejailardyń kórsetiletin qyzmetteri salasyndaǵy qoǵamdyq mańyzy bar naryqtar; avtomobil joldary salasyndaǵy fýnktsiialar men ókilettikter berile otyryp, Qazaqstan Respýblikasynyń Kólik ministrligine;
indýstriia jáne indýstriialyq damý; ónerkásip; taý-ken metallýrgiia kesheni; elishilik qundylyqty damytý; mashina jasaý; kómir, himiia, jeńil (aýyl sharýashylyǵy janýarlarynyń terisi men júnin qaita óńdeýden basqa), aǵash óńdeý jáne jihaz ónerkásibi; qurylys indýstriiasy jáne qurylys materialdaryn óndirý; mashinalar men jabdyqtardyń qaýipsizdigi; salalyq baǵytqa sáikes himiialyq ónimniń qaýipsizdigi; ózindik ereksheligi bar taýarlardy baqylaý; energiia únemdeý jáne energiia tiimdiligin arttyrý; baǵaly metaldar óndirisin jáne baǵaly metaldar men asyl tastardyń ainalymyn retteý; quramynda baǵaly metaldar bar shikizat taýarlary; zergerlik jáne basqa da buiymdar; arnaiy ekonomikalyq aimaqtardy qurý, olardyń jumys isteýi jáne taratylýy; ýran óndirýdi qospaǵanda, paidaly qatty qazbalar bóliginde jer qoinaýyn paidalanýdy memlekettik basqarý; jer qoinaýyn memlekettik geologiialyq zertteý, mineraldyq-shikizat bazasyn molaitý salalaryndaǵy; sáýlet, qala qurylysy jáne qurylys qyzmeti; turǵyn úi qatynastary; kommýnaldyq sharýashylyq; eldi mekender sheginde sýmen jabdyqtaý jáne sý burý, jylýmen jabdyqtaý (ortalyqtandyrylǵan jylýmen jabdyqtaý aimaǵynda jylý energiiasyn óndirýdi júzege asyratyn jylý elektr ortalyqtary men qazandyqtardan basqa) salasyndaǵy memlekettik retteý; turǵyn úi qurylysyna úlestik qatysý; qorǵanys ónerkásibi; biryńǵai áskeri-tehnikalyq saiasatty júrgizýge qatysý; áskeri-tehnikalyq yntymaqtastyqty júzege asyrý; memlekettik qorǵanystyq tapsyrysty qalyptastyrý, ornalastyrý jáne oryndaý salasyndaǵy fýnktsiialar men ókilettikter berile otyryp, Qazaqstan Respýblikasynyń Ónerkásip jáne qurylys ministrligine bólý jolymen;
3) Qazaqstan Respýblikasynyń Aqparat jáne qoǵamdyq damý ministrligi oǵan Qazaqstan Respýblikasynyń Mádeniet jáne sport ministrliginen mádeniet; tarihi-mádeni mura obektilerin qorǵaý jáne paidalaný; kinematografiia; memlekettik rámizder; arhiv isi jáne basqarýdy qujattamalyq qamtamasyz etý; elektrondyq qujat ainalymy jáne elektrondyq arhivter salalaryndaǵy; onomastika; kreativti indýstriialar jáne shyǵarmashylyq qyzmet nátijelerin kommertsiialandyrý salasyndaǵy fýnktsiialar men ókilettikterdi bere otyryp, ony Qazaqstan Respýblikasynyń Mádeniet jáne aqparat ministrligi etip qaita qurý jolymen;
4) Qazaqstan Respýblikasynyń Mádeniet jáne sport ministrligi ony Qazaqstan Respýblikasynyń Týrizm jáne sport ministrligi etip qaita qurý jolymen qaita uiymdastyrylsyn.
2. Qaita uiymdastyrylǵan memlekettik organdar beriletin fýnktsiialar ókilettikterge sáikes qaita uiymdastyrylatyn memlekettik organdardyń quqyqtary men mindettemeleriniń quqyq mirasqorlary bolyp aiqyndalsyn.
3. Qazaqstan Respýblikasynyń Úkimeti:
1) Qazaqstan Respýblikasy Prezidentiniń Ákimshiligimen kelisý boiynsha qaita uiymdastyrylatyn memlekettik organdar men olarǵa vedomstvolyq baǵynysty uiymdardyń shtat sanyn qaita bólýdi;
2) osy Jarlyqty iske asyrý boiynsha ózge de sharalardy qabyldaýdy qamtamasyz etsin.
4. «Qazaqstan Respýblikasy Úkimetiniń qurylymy týraly» Qazaqstan Respýblikasy Prezidentiniń 1999 jylǵy 22 qańtardaǵy №6 Jarlyǵyna mynadai ózgerister men tolyqtyrýlar engizilsin:
1-tarmaqta:
myna:
«Qazaqstan Respýblikasynyń Mádeniet jáne sport ministrligi;» degen jol mynadai redaktsiiada jazylsyn:
«Qazaqstan Respýblikasynyń Týrizm jáne sport ministrligi;»;
myna:
«Qazaqstan Respýblikasynyń Indýstriia jáne infraqurylymdyq damý ministrligi;» degen jol alyp tastalsyn;
myna:
«Qazaqstan Respýblikasynyń Aqparat jáne qoǵamdyq damý ministrligi;» degen jol mynadai redaktsiiada jazylsyn:
«Qazaqstan Respýblikasynyń Mádeniet jáne aqparat ministrligi;»;
mynadai mazmundaǵy joldarmen tolyqtyrylsyn:
«Qazaqstan Respýblikasynyń Sý resýrstary jáne irrigatsiia ministrligi;
Qazaqstan Respýblikasynyń Kólik ministrligi;
Qazaqstan Respýblikasynyń Ónerkásip jáne qurylys ministrligi.».
5. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
6. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń Prezidenti Q. Toqaev
