Qazaqstan Prezidenti Q.Toqaevtyń «Syndarly qoǵamdyq dialog – Qazaqstannyń turaqtylyǵy men órkendeýiniń negizi iskerlik qoǵamdyq dialog» atty halyqqa Joldaýynyń ózindik erekshelikteri bar. Meniń oiymsha, Joldaýda Memleket basshysynyń qoǵamǵa muqtaj nárselerdi túsine bilýi aiqyn baiqalady.
Q.Toqaev qoǵamdy alańdatyp otyrǵan birqatar problemalarǵa óz ustanymyn bildirdi. Bul oraida, Prezident Elbasy ustanǵan baǵyttan taimaitynyn aita otyryp, osy baǵyty jaqsartý úshin júieli túrde reformalar jasaý nietin kórsetti. Bul oraida, ol Joldaýda «Negizsiz, júiesiz saiasi yryqtandyrý eldiń ishki saiasi ahýalynyń turaqsyzdyǵyna, tipti memlekettilikten aiyrylýǵa ákelip soǵady. Sondyqtan biz saiasi reformalardy «asyǵystyqqa salynbai», kerisinshe, kezeń-kezeńimen, tabandy túrde jáne jan-jaqty oilastyryp júzege asyratyn bolamyz», - dep atap kórsetedi. Prezident Q.Toqaevtyń bul nieti is júzinde iske asyryla bastady, máselen kóp balaly analarǵa járdem kórsetý, shaǵyn bizneske jol ashý t.b. boiynsha qabyldanyp jatqan sharalar osyny dáleldep otyr.
Oǵan qosa, ol memlekettik organdardyń halyqpen tyǵyz jumys isteýin tapsyryp, «estitin úkimet» jasaqtaýǵa shaqyrdy. Osynyń arqasynda qatardaǵy azamattar ákimnen bastap tikelei prezidentke shaǵymdaný múmkindigine ie boldy. Osy oraida, Prezident elde bolyp jatqan jáne alańdaýshylyq týǵyzǵan oqiǵalarǵa aralasyp, ádildik ornatýǵa áreket jasai bastady. Bul rette, Prezidenttiń bastamasymen qurylǵan Ulttyq qoǵamdyq keńes te eldegi demokratiia institýttaryn damytýǵa úles qosýda. Keńestegi adamdar rotatsiialyq negizde jumys isteýi onyń quramynyń únemi jańartylyp otyratynyn jáne azamattyq qoǵamnyń osy mańyzdy organynyń jumysyna belsendi liderler kóptep qatysatynyn bildiredi.
Joldaýda sybailas jemqorlyqqa qarsy kúres tolassyz júrgiziletini jáne biýdjet qarajatyn durys paidalanbaý faktileri odan ári áshkerelene beretini ashyq aityldy. Osyǵan bailanysty Nur-Sultan qalasynda salynyp jatqan jeńil relsti kólik tóńiregindegi daýdyń halyq aldyna shyǵarylýy osynyń aiǵaǵy dep aitýǵa bolady.
Mýsa Sapaev
Qyrǵyzstan jazýshylar odaǵynyń múshesi,
qoǵam qairatkeri
