Memleket óziniń bazalyq fýnktsiialarynyń tolyqqandy jáne sapaly oryndalýyn qamtamasyz etýi tiis. Búgin Parlament Májilisiniń jalpy otyrysynda Memleket basshysy Qasym-Jomart Toqaev osylai málim etti, dep habarlaidy QazAqparat.
«Qyrkúiek aiyndaǵy dástúrli Joldaýymda saiasi reformalardyń jańa paketin tanystyramyn. Ol azamattyq qoǵam jáne sarapshylarmen keńeitilgen ári konstrýktivti dialog negizinde daiyndalady. Memleket óziniń bazalyq fýnktsiialarynyń tolyqqandy jáne sapaly oryndalýyn qamtamasyz etýi tiis», - dedi Memleket basshysy.
Sonymen qatar Prezident memleket zańdylyq pen quqyqtyq tártiptiń oryndalýyna, jekemenshikke quqyqty jáne azamattar quqyqtary qaýipsizdiginiń qorǵalýyna kepildik berip, áleýmettik igilik pen memlekettik qyzmettiń sapasyn qamtamasyz etýi kerek ekenin atap ótti.
Óz kezeginde biznes pen azamattar zańnamanyń jáne qoǵamdyq tártip normalarynyń saqtalýyna, salyqtardyń ádil tólenýi men eńbek qatynastarynyń ashyqtyǵyna jaýapkershilikpen qaraýy tiis. Osyǵan bailanysty júieli túrlený baǵdarlamasyn qalyptastyrý mańyzdy.
«Úkimetke jaýapty sarapshylyq qoǵamdastyqpen áne azamattyq qoǵammen birlese tiisti usynystardyń paketin ázirleýdi tapsyramyn. Ol Ulttyq qoǵamdyq senim keńesi otyrystarynyń birinde qaralady», - dedi Memleket basshysy.
