Prezident Qasym-Jomart Toqaev Ulttyq qoǵamdyq senim keńesiniń múshesi, saiasattanýshy Marat Shibutov pen «Qazaq ádebieti» gazetiniń bas redaktory, jazýshy Dáýren Qýatty qabyldap, olardyń qoǵamdaǵy ózekti máseleler tóńiregindegi oi-pikirin tyńdady.
Bul týraly Aqordanyń resmi saity habarlady.
Memleket basshysymen kezdesýde Marat Shibutov elimizdiń aýmaqtyq damý máseleleri jónindegi kózqarasymen bólisti. Sonymen qatar aqparattyq-saraptamalyq ortalyqtardyń, qoǵamdyq keńesterdiń jumysyn jandandyrý týraly usynystaryn aitty. Saiasattanýshy memleket pen qoǵamnyń ultaralyq tatýlyq pen qoǵamdyq kelisimdi nyǵaitý baǵytynda birlesip atqaratyn jumystary týraly oiyn jetkizdi.
Dáýren Qýat Qazaqstandaǵy buqaralyq aqparat quraldarynyń ahýaly, onyń ishinde, «Qazaq ádebieti» gazetiniń búgingi jaǵdaiy jaiynda aitty. Sondai-aq qazaq tilindegi ádebietti jáne baspa isin qoldaý jónindegi oiymen bólisti. Onyń ishinde balalar ádebietin damytý týraly aityldy. Budan bólek kezdesýde otandyq jáne sheteldik tarihshylar arasynda turaqty bailanysty qamtamasyz etý máselesi kóterildi.
