Memleket basshysy Ulttyq qoǵamdyq senim keńesi múshelerimen kezdesý ótkizdi, dep habarlaidy Aqorda.
Belgili zańger, advokat Aiman Omarovamen kezdesýde azamattardyń quqyǵyn qorǵaý jáne osy baǵyttaǵy zańnamany jetildirý máseleleri talqylandy. Atap aitqanda, A.Omarova Qazaqstan Respýblikasy Qylmystyq Kodeksiniń 130-babynyń qylmystyq mazmunyn ózgertý jáne 174-babyna túzetýler engizý týraly usynys jasady.
Prezident Qasym-Jomart Toqaev A.Omarovanyń bastamasynyń mańyzdy ekenin atap ótip, kemsitýshilikke qarsy zańnama normalaryn engizgende sheteldik tájiribeni qoldaný qajettigin aitty.
Saiasattanýshy Daniiar Áshimbaevpen áńgimelesý barysynda sarapshylar qaýymdastyǵy men jurtshylyqty belsendi tarta otyryp, memlekettik baǵdarlamalardyń júzege asyrylýyna jáne Biryńǵai jinaqtaýshy zeinetaqy qorynyń jumysyna baqylaýdy kúsheitý jaiyndaǵy usynystar qaraldy.
Qoǵam qairatkeri Aýyt Muqibekpen kezdesý kezinde migratsiia jáne kóshi-qon týraly zańnamany jetildirý máseleleri kóterildi. Aýyt Muqibek Memleket basshysynyń «oralman» sózinen bas tartyp, ony «qandastar» dep ózgertý jónindegi bastamasyn qoldaitynyn aitty.
