QR Prezidenti Qasym-Jomart Toqaev «Astana Hub» halyqaralyq IT startap tehnoparkinde túrki elderiniń IT forýmyn uiymdastyrýdy usyndy, dep habarlaidy QazAqparat.
«Biz innovatsiialar men startaptardy damytýǵa qolaily jaǵdai jasaýymyz qajet. Bul – aqparattyq tehnologiia dáýiriniń basty talabynyń biri. Sizderdi Túrki uiymynyń zamanaýi tehnoparkter ortalyǵyn qurý máselesin zerdeleýge shaqyramyn. Sondai-aq, kelesi jyly IT salasynda eńbek etip júrgen jastarymyzdyń arnaiy forýmyn ótkizýdi usynamyn», - dedi ol Túrki memleketteri uiymynyń sammitinde.
Onyń aitýynsha, atalmysh sharany «Astana Hub» halyqaralyq IT startaptar tehnoparkinde uiymdastyrýǵa bolady
«Qazir onda 560-tan astam kompaniia jumys istep jatyr. Onyń 55-i – sheteldik kompaniia. Startaptar sońǵy 2,5 jylda 375 million dollardan astam paida tapty. Sondai-aq, 132 million dollarǵa jýyq investitsiia ákeldi. Jalpy, «Astana Hub» tehnoparkinde jeńildetilgen vizalyq rejim bar. Al, onda jumys isteitin kompaniialar salyqtan bosatylady», - dedi Qasym-Jomart Toqaev.
