Ashhabadta uiymdastyrylyp jatqan Altynshy Kaspii sammitine qatysýǵa kelgen Memleket basshysy Qasym-Jomart Toqaev Túrikmenstan Prezidenti Serdar Berdimuhamedovpen kezdesý ótkizdi, dep habarlaidy "Ult aqparat" Aqordanyń resmi saityna silteme jasap.
Qazaqstan Prezidenti, eń aldymen, túrikmen jerindegi dástúrli qonaqjailyǵy úshin rizashylyǵyn bildirdi. Bul – Serdar Berdimuhamedov Prezident bolyp sailanǵannan keiin eki el basshylarynyń alǵashqy betpe-bet kezdesýi. Osyǵan orai Memleket basshysy Túrikmenstannyń jańa Prezidentin sailaýdaǵy jeńisimen quttyqtady.
Sonymen qatar Qasym-Jomart Toqaev búgin Ashhabadta ótetin Altynshy Kaspii sammitine erekshe mán beretinin jetkizdi. Qazaqstan Prezidenti sammittiń nátijesi Kaspii mańy memleketteriniń dostyq pen tatý kórshilik bailanystaryn odan ári nyǵaitýǵa eleýli úles qosyp, ózara tiimdi yntymaqtastyqtyń kókjiegin keńeitetinine senim bildirdi.
Serdar Berdimuhamedov Qasym-Jomart Toqaevqa shaqyrýyn qabyl alǵany úshin rizashylyǵyn bildirip, osy sammitke qatysty oiyn aitty. Túrikmenstan Prezidenti bárimizge ortaq Kaspiidiń igiligi úshin búgin keleli basqosý bolatynyn jetkizdi.
