QR Prezidenti Qasym-Jomart Toqaev Parlament Májilisiniń otyrysynda terroristik agressiiaǵa ushyraǵan qala turǵyndaryna kóńil aitty, dep habarlaidy QazAqparat.
«Memlekettik tóńkeris, eldiń turaqtylyǵyna qol suǵý talpynystary sátsizdikke ushyrady. Biz biryńǵai ult retinde birliktiń arqasynda Almaty men ózge oblys ortalyqtaryn qorǵap qaldyq. Qysqa merzimde olar qalpyna keltiriledi jáne burynǵydan da kóriktene túsedi. Endi bul meniń tikelei mindetim jáne árine, Úkimettiń jaýapkershiligi», - dedi Memleket basshysy.
Sondai-aq, ol Almaty qalasy politsiia departamentiniń ǵimaratynda shaiqasty taǵy bir eske aldy.
«Osy múmkindikti paidalana otyryp, terroristik agressiianyń nysanyna ainalǵan qalalardyń turǵyndaryna kóńil aitqym keledi. Osy bir qaraly kúnder artta qalǵan búgingi kúnde Ishki ister ministrliginiń arnaiy jasaqtarynyń terroristik agressiianyń betin qaitarýdaǵy erligin atap ótkim keledi. Mysaly, Almaty qalasynda politsiia ókilderiniń shaǵyn toby politsiia departamentin basyp almashy bolǵan banditterdiń shabýyl eki tún qatarynan toitaryp otyrdy», - dedi Prezident.
