Foto: Ashyq derekkózden
Qazaqstan Prezidenti Qasym-Jomart Toqaev ólim jazasyn joiý týraly zańǵa qol qoidy, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysy "Qazaqstan Respýblikasynyń keibir zańnamalyq aktilerine ólim jazasyn joiý máselesi boiynsha ózgerister men tolyqtyrý engizý týraly" Qazaqstan Respýblikasynyń Zańyna qol qoidy", - delingen habarlamada.
2003 jyldan bastap Qazaqstanda ólim jazasyna moratorii engizilgen bolatyn, sodan beri elde olardyń birde-bireýi tirkelmegen.
2 qańtarda Prezident "Ólim jazasyn joiýǵa baǵyttalǵan Azamattyq jáne saiasi quqyqtar týraly halyqaralyq paktige ekinshi Fakýltativtik hattamany ratifikatsiialaý týraly" Zańǵa qol qoidy. Osylaisha, Qazaqstan ólim jazasynan tolyǵymen bas tartty.
Májiliste ólim jazasyn joiý týraly zań jobasy maquldandy, biraq keibir eskertpelermen. Eskertýge sáikes Qazaqstan soǵys ýaqytynda ólim jazasyn qoldaný quqyǵyn ózine qaldyrady. Alaida Prezident bul normany joqqa shyǵardy jáne zań jobasyn eskertýsiz qabyldaý qajettiligi týraly málimdedi.
23 jeltoqsanda senatorlar Qazaqstanda ólim jazasyn tolyq joiý týraly zań qabyldaǵan edi.
