Foto: Aqorda
Bul - zańda belgilenýi tiis. Qasym-Jomart Toqaev Ulttyq quryltaidyń V otyrysynda osylai dedi, dep habarlaidy Ult.kz.
Memleket basshysy Qasym-Jomart Toqaev Konstitýtsiiaǵa engiziletin ózgeristerdiń aýqymdy bolýyna bailanysty Konstitýtsiialyq komissiia qurý týraly sheshim qabyldaǵanyn málimdedi.
Prezidenttiń aitýynsha, bastapqyda parlamenttik reforma aiasynda Ata zańnyń shamamen 40 babyna ózgeris engizý josparlanǵan. Alaida jumys barysynda túzetýler kólemi áldeqaida keń ekeni anyqtalǵan. 2022 jylǵy reforma kezinde Konstitýtsiianyń 33 baby jańartylǵan bolsa, aldaǵy ózgerister budan da aýqymdy bolmaq.
«Biz, shyn máninde, jańa Konstitýtsiia qabyldaýmen para-par qadam jasamaqpyz. Sondyqtan Konstitýtsiialyq komissiia qurý týraly sheshim qabyldadym. Arnaiy Jarlyqqa erteń qol qoiamyn», – dedi Memleket basshysy.
Qasym-Jomart Toqaevtyń málimdeýinshe, komissiia quramyna 100-den astam adam enedi. Olardyń qatarynda Ulttyq quryltai músheleri, belgili zańgerler, buqaralyq aqparat quraldarynyń basshylary, aimaqtyq máslihat tóraǵalary, qoǵamdyq keńes ókilderi jáne ózge de bilikti mamandar bolady. Komissiia jumysyna Konstitýtsiialyq sottyń tóraǵasy jetekshilik etedi.
Prezidenttiń sózinshe, komissiia barlyq usynysty saralap, júielep, naqty konstitýtsiialyq ózgeristerdiń jobasyn ázirleidi. Osydan keiin jalpyhalyqtyq referendým ótkizý merzimi aiqyndalady.
