Memleket basshysy Qasym-Jomart Toqaev Liýksembýrg Premer-Ministri Ksave Bettelmen kezdesti, dep habarlaidy Aqorda.
Qazaqstan Prezidenti Qasym-Jomart Toqaevtyń BUU Bas Assambleiasynyń 74-sessiiasy aiasyndaǵy eki jaqty kezdesýleri Liýksembýrg Premer-Ministri Ksave Betellmen kelissóz júrgizýmen jalǵasty.
Taraptar ekijaqty kún tártibindegi ózekti máselelerge toqtalyp, birqatar perspektivaly jobalardy júzege asyrýǵa basa nazar aýdardy. Atap aitqanda, Qasym-Jomart Toqaev pen Ksave Bettel ǵarysh ónerkásibi, qarjy qyzmetteri, onyń ishinde «Astana» halyqaralyq qarjy ortalyǵy arqyly yntymaqtastyqty jandandyrýǵa ýaǵdalasty. Sondai-aq tsifrlandyrý salasyndaǵy ózara is-qimyl múmkindikterin talqylady.
