Memleket basshysy Qosshy aýylyna oblystyq mańyzy bar qala mártebesin berý týraly sheshimin túsindirdi, dep habarlaidy "Ult aqparat".
«Jarlyqqa qol qoiyldy. Atalǵan qujatqa qol qoiylýyn jáne oblystyq mańyzy bar qala mártebesiniń berilýin kópshilik keńinen qoldap jatyr. Biraq, osy sheshimniń máni men mańyzyn tek oblys kóleminde ǵana emes, jalpy elimiz boiynsha halyqqa qosymsha túsindirý kerek. Bul sheshim, eń aldymen, Qosshy turǵyndarynyń ómirin jeńildetý maqsatynda qabyldandy. Onda qaǵaz boiynsha 40 myńǵa jýyq turǵyn ómir súredi. Shyn máninde, ol jerde 80 myń adam turady. Olar turmystyq máselelerimen oblys ortalyǵy Kókshetaýǵa barýǵa májbúr bolady. Oǵan kóp ýaqyt, kúsh jumsaidy. Árine, bul turǵyndardyń júikesin juqartady. Sondyqtan qalanyń ákimshilik mártebesin ózgertetin osyndai sheshim qabyldandy. Men muny durys sheshim dep esepteimin», – dedi Prezident Aqmola oblysyna jasaǵan jumys sapary barysynda.
