Prezident tapsyrmasyn júzege asyrýdyń is-sharalar josparyn daiyndaǵan soń árbir memlekettik organ ózine júktelgen tapsyrmalar týraly tolyq málimet beredi. Bul týraly onlain brifingte QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Memleket basshysynyń keshegi úndeýi – halyq únine qulaq asatyn memlekettik kontseptsiianyń tabysty iske asyp jatqanyn jáne onyń ómirsheń ekendigine aiqyn dálel. Ózderińiz biletindei, úndeýde aitylǵan sharalar qazirgi ýaqytta qiynshylyqqa tap bolǵan azamattardyń, kásipkerlerdiń, aýyl sharýashylyǵy ókilderiniń ótinish-tilekterin eskerdi»- deidi QR Aqparat jáne qoǵamdyq damý ministri Dáýren Abaev.
Sondai-aq, ol qazir asa kúrdeli ýaqytta turǵanymyzdy aitty.
«Memleket basshysynyń úndeýi - ekonomikalyq qana emes, ideologiialyq astary da bar dúnie. Osyndai ýaqytta biz kózqarasymyzdyń, ideiamyzdyń, ultymyz ben dinimizdiń ártúrli ekendigine qaramastan birturtas ekenimizdi túsinýimiz kerek. «Biz birgemiz» degen bos uran emes. Halqymyzdy talai qiyndyqtan aman alyp shyqqan ómirlik ustanym. Memleket basshysy bizdi birigýge shaqyryp otyr. Halyqqa degen qamqorlyq úlgisin kórsetýde. Qazirgi ýaqytta elimizdiń túgelge jýyq óńirinde koronavirýspen aýyrǵandar tirkeldi. Kóp aimaqta karantin sharalary kúsheitildi. Osy tusta árbirimiz úide bolýymyz kerek. Osy erejeni neǵurlym tez, durys ustansaq, karantin ýaqyty soǵurlym tez aiaqtalady», - deidi ol.
