Qasym Jomart Toqaev qazan aiynda jumys saparymen Shyǵys Qazaqstan oblysyna barady. Bul týraly QR Prezidenti Twitter-de jazdy dep habarlaidy "Ult aqparat".
«Keshe ShQO ákimi D. Ahmetov Abaidyń 175 jyldyǵy aiasynda atqarylǵan jumystar jaiynda baiandady. Semeidegi Abaidyń murajai kesheni, aqynnyń týǵan jáne ómir súrgen jerindegi nysandardyń barlyǵy tolyqtai jańǵyrtyldy. Oblysqa qazan aiynda jumys saparymen baryp, nysandardy aralap kóremin», dep atap ótken Memleket basshysy.
Eske sala ketsek, 4 qyrkúiekte Qasym-Jomart Toqaev Shyǵys Qazaqstan oblysynyń ákimi Danial Ahmetovti qabyldaǵan bolatyn. Onda óńir basshysy QR Prezidentine Shyǵys Qazaqstan oblysynyń ekonomikalyq ahýaly jaiynda esep berip, aimaqtyń qysqa merzimdi jáne keler jylǵa arnalǵan damý jospary, onyń ishinde, ónerkásip ónimderi, aýyl sharýashylyǵy, óndiris salalary boiynsha atqarylatyn jumystar jóninde baiandady.
