Memleket basshysy Nursultan Nazarbaev qazaqstandyqtardy Rojdestvo merekesimen quttyqtady, - dep habarlaidy "Ult aqparat" Prezident baspasóz qyzmetine silteme jasap.
"Qymbatty otandastar!
Elimizdiń barsha pravoslav hristiandaryn Rojdestvo meiramymen shyn júrekten quttyqtaimyn!
Bul jarqyn mereke gýmanizmniń, raqymdylyqtyń, meiirimdiliktiń, jaqynyna degen súiispenshilik pen qamqorlyqtyń myzǵymas dástúri retinde qazirgi zamannyń dánekerine ainaldy.
Respýblikamyzdyń pravoslav hristiandary bizdiń ortaq úiimizde beibitshilik pen kelisimniń saqtalýyna zor úles qosyp keledi.
Azamattardyń dini sezimderine qurmetpen jáne yqylaspen qaraý memlekettik saiasattyń mańyzdy qaǵidalarynyń biri bolyp tabylady. Sonyń arqasynda biz elimizde beibitshilik pen kelisimdi saqtai aldyq, ekonomika men qoǵamdyq damýda aitarlyqtai tabystarǵa qol jetkizdik.
Osyndai aitýly kúni Otanymyzdyń igiligi jolyndaǵy adal eńbekterińiz ben igi isterińiz, izgi nietterińiz ben jarqyn oilaryńyz úshin rizashylyǵym men alǵysymdy bildiremin.
Ár úige, árbir qazaqstandyqqa amandyq pen molshylyq, súiispenshilik pen bereke, beibitshilik pen baqyt tileimin!", - dedi Nazarbaev.
