Sýret: akorda.kz
Qasym-Jomart Toqaev Astanadaǵy Iran Islam Respýblikasynyń elshiligine baryp, Prezident Ibrahim Raisi men Úkimet delegatsiiasy músheleriniń tikushaq apaty saldarynan qaza tabýyna bailanysty iran halqyna kóńil aitty jáne qoldaý bildirdi.
Aqordanyń baspasóz qyzmetiniń habarlaýynsha, Prezident kóńil aitý kitabyna jazba qaldyrdy.
«Iran Islam Respýblikasynyń Prezidenti Ibrahim Raisidiń jáne Úkimet delegatsiiasy músheleriniń mezgilsiz qazasy týraly qaraly habar qabyrǵamyzdy qaiystyrdy. Óz ultynyń uly perzenti Ibrahim Raisi – Otanyna adal qyzmet etken tuǵyrly tulǵa. Biz ony parasatty basshy, bedeldi saiasatker, eki eldiń yntymaqtastyǵyn nyǵaitýǵa zor eńbek sińirgen qairatker retinde árdaiym este saqtaimyz. Qazaq halqynyń jáne ózimniń atymnan irandyq baýyrlarymyzǵa qaiǵyryp kóńil aitamyn. Marqumdardyń imany salamat, rýhy peiishte bolsyn!» – dep jazdy Memleket basshysy.
