Rásim barysynda qaýipsizdik jónindegi Miýnhen konferentsiiasynyń tóraǵasy Volfgang Ishinger, Germaniia Prezidenti Frank-Valter Shtainmaier jáne Frantsiia Prezidenti Emmaniýel Makron sóz sóiledi.
Qazaqstan Prezidenti Qasym-Jomart Toqaev konferentsiia asynda ótetin paneldik pikirtalasta óńirlik qaýipsizdik máselesi boiynsha «Geografiialyq ornalasýdyń mańyzy: Ortalyq Aziia týraly áńgime» taqyrybynda sóz sóileidi dep josparlanǵan. Memleket basshysy óńirlik jáne jahandyq qaýipsizdikti qamtamasyz etý jaiynda óziniń oi-pikirin ortaǵa salady.
Miýnhende ótetin is-sharaǵa qatysýǵa 40-qa jýyq memlekettiń basshylary, 100-den astam syrtqy saiasi jáne qorǵanys vedomstvolarynyń jetekshileri, halyqaralyq qatynastar salasyndaǵy bedeldi sarapshylar keldi.
Qaýipsizdik jónindegi 56-shy Miýnhen konferentsiiasynyń kún tártibinde álemdik damýdyń jáne jahandyq qaýipsizdiktiń ózekti máseleleri qarastyrylady. Konferentsiiaǵa qatysýshylar saýda soǵystary men sanktsiialardyń problemalary, Taiaý Shyǵystaǵy ahýal, Eýropalyq odaq, AQSh, Resei, Qytai jáne basqa da eldermen aradaǵy ózara qatynastardy, Eýropadaǵy qaýipsizdiktiń syn-qaterleri, Eýropalyq odaq pen NATO-nyń keleshegi, sondai-aq, kiberqaýipsizdik pen densaýlyq saqtaý salalaryndaǵy qazirgi zamannyń qaýip-qaterleri, jalǵan aqparatarǵa tosqaýyl qoiý jáne basqa da máseleler talqylaidy.
