Foto: Aqorda
Qasym-Jomart Toqaev hirýrgiia ortalyǵyn operatsiianyń sátti ótýimen quttyqtap, alǵys hat joldady, dep habarlaidy Ult.kz.
Jýyrda A.N. Syzǵanov atyndaǵy Ulttyq ǵylymi hirýrgiia ortalyǵy elimizdiń meditsina tarihynda tuńǵysh ret bir mezette úsh naýqasqa úsh donordyń búiregin toǵyspaly transplantatsiia tásilimen salatyn asa kúrdeli operatsiiany sátti ótkizdi.
Prezident belgili hirýrg, professor Bolatbek Baimahanovtyń jetekshiligimen jasalǵan bul operatsiiany otandyq meditsinanyń zor jetistigi retinde baǵalap, ortalyq ujymyna Alǵys hat joldady.
"Memleket densaýlyq saqtaý salasyn damytýǵa basa mán beredi. Bul rette kóptegen irgeli bastama qolǵa alynyp, aýqymdy jumys atqarylyp jatyr. Sonyń nátijesinde ulttyq meditsina qarqyndy damyp keledi. Sizder jasaǵan biregei operatsiia – sonyń aiqyn dáleli. Qazir elimiz óte kúrdeli transplantatsiialyq operatsiia jasaityn álemdegi alty memlekettiń qataryna kiredi. Bul jetistikke otandyq mamandardyń, sonyń ishinde ózderińizdiń qajyrly eńbekterińiz ben erekshe bilimderińizdiń, sondai-aq teńdessiz tájiribelerińizdiń arqasynda jetip otyrmyz. Barshańyzǵa shynaiy rizashylyǵymdy bildiremin. Bolashaqta da ult saýlyǵyn jaqsartý úshin tynymsyz ter tógip, halqymyzǵa qaltqysyz qyzmet ete beresizder dep senemin", – delingen Alǵys hatta.
