Foto: Aqorda
Prezident Halyqaralyq balalardy qorǵaý kúnine orai Almatyda uiymdastyrylǵan «Jas Galym. Science Quest» festivaline baryp, balalarmen kezdesti, dep zabarlaidy «Ult aqparat» Aqordaǵa silteme jasap.
Jyl saiyn dástúrli túrde ótkiziletin festival biyl ǵylym taqyrybyna arnalǵan. Qasym-Jomart Toqaev qala oqýshylarymen birge «Science», «Engeneering», «Art», «Technology» jáne «Mathematics» stantsiialaryn aralap kórdi. Kvest formatynda uiymdastyrylǵan sharada oqýshylar ózderiniń ǵylymi jobalaryn tanystyrdy.
Memleket basshysy balalardy merekemen quttyqtap, keleshek urpaqqa zor úmit artatynyn aitty. Sondai-aq jetkinshekterdiń ǵylymi izdenisi men shyǵarmashylyǵyn shyńdaýǵa úles qosqany úshin festival uiymdastyrýshylaryna rizashylyǵyn bildirdi.
