QR Prezidenti Qasym-Jomart Toqaev otandyq bilim berý salasy jumysyna qatysty syn aitty, dep habarlaidy QazAqparat tilshisi.
«Bilim salasy týraly aitar bolsaq, ainalyp kelgende áńgime onyń sapasyna kelip tireledi. Naryq naqty bir sala mamandaryn talap etse, al bizdiń bilim ministrliginiń normativtik talaby basqa. Eger qazirgi naryq suranysy belgili bir sala mamanyn talap etse, sizder soǵan sai ózgerip otyrýlaryńyz kerek», - dedi Qasym-Jomart Toqaev iri biznes ókilderimen kezdesýinde.
Memleket basshysynyń aitýynsha, bilim berý men maman ázirleý formaty zaman talabyna sai ózgerip otyrýy tiis.
«Qaitalap aitamyn, biz standartty bilim berý formatyn qaita qaraýymyz kerek. Sonymen qosa óskeleń urpaqtyń da mentalitetin ózgertken jón. Bul másele - elde bolǵan qaiǵyly jaǵdaidan sabaq alatyn jaittardyń biri», - deidi ol.
