M. Áýezov atyndaǵy Ádebiet jáne óner instiýtynyń direktory, filologiia ǵylymdarynyń doktory Kenjehan Matyjanov QR Prezidenti Qasym-Jomart Toqaevtyń Parlament Májilisiniń jalpy otyrysynda jasaǵan málimdemesine qatysty óz oiyn bildirdi, dep habarlaidy QazAqparat.
Kenjehan Matyjanovtyń aitýynsha, Memleket basshysy eldegi jaǵdaiǵa tolyq saraptama jasaǵan.
«Memleket basshysy eldegi jaǵdaiǵa tolyq saraptama jasady. Prezident halyqtyń janyn jegidei jegen kúrdeli máselelerdiń barlyǵynan habardar jáne ony tereń zerttegen. Jaǵdaidy jedel saýyqtyryp, túbegeili reformalar jasaýǵa daiyn ekendigin kórsetti. Ol óziniń eldegi ahýaldy tolyq biletindigin jáne ony halyqpen birlese otyryp sheshe alatyn saiasi kúsh- jigerin aiqyn tanytty», - deidi M.Áýezov atyndaǵy Ádebiet jáne óner instiýtynyń direktory.
Sonymen qatar, ol ishtegi aiaqtan shalatyndarmen aldaǵy kúres budan da qiyn bolatynyn tilge tiek etti.
«Sondyqtan da, qadirli aǵaiyn, Memleket basshysy men jańa sailanǵan Úkimet basshysyna halyq qoldaýy aýadai qajet. Bir bolaiyq, elimizdiń taǵdyry úshin judyryqtai jumyla bileiik, Qazaq jurty», - dedi ol.
