Qazaqstan Prezidenti Qasym-Jomart Toqaev Bolgariia Prezidenti Rýmen Radevpen kezdesti, dep habarlaidy Aqorda.
Qazaqstan Prezidenti shveitsariialyq áriptesimen ótkizgen kezdesýden keiin Bolgariia Prezidenti Rýmen Radevpen kelissóz júrgizdi.
Kóshbasshylar saiasi, saýda-ekonomikalyq jáne mádeni-gýmanitarlyq salalardaǵy ekijaqty yntymaqtastyqtyń qazirgi jaǵdaiy men ony nyǵaitýdyń perspektivalaryn talqylady.
Prezident Qasym-Jomart Toqaev eki el arasynda syndarly dialog ornaǵanyna toqtalyp, elimizdiń Bolgariiamen ózara is-qimyldy odan ári qarqyndy damyta túsýge nietti ekenin aitty.
«Qazaqstannyń Bolgariiadaǵy diplomatiialyq missiiasyn Elshilik retinde qaita qurý týraly sheshim qabyldanǵanyn bilesizder. Ókildigimizdiń mártebesin arttyrý jáne Elshini taǵaiyndaý Qazaqstan men Bolgariia qarym-qatynastaryn damytýǵa tyń serpin beretinine senimdimin», – dedi Qasym-Jomart Toqaev.
Sonymen qatar, Memleket basshysy bolgarlyq kompaniialardy Qazaqstanda jumys istep, keiinnen osy óńirdiń naryǵyna shyǵýǵa shaqyrdy.
Kezdesý sońynda Qasym-Jomart Toqaev Rýmen Radevti Qazaqstanǵa saparmen kelýge shaqyrdy.
