Aqordada birqatar memlekettiń jańadan sailanǵan tótenshe jáne ókiletti elshileriniń Qazaqstan Prezidentine senim gramotalaryn tabystaý rásimi ótti, dep habarlaidy "Ult aqparat" Aqordanyń resmi saitynasilteme jasap.
Qasym-Jomart Toqaevqa Ýganda Respýblikasynyń elshisi Djonson Agara Olva, Zambiia Respýblikasynyń elshisi Shedrek Chingembý Lývita, Maldivter Respýblikasynyń elshisi Omar Abdýl Razzak, Korei Halyq Demokratiialyq Respýblikasynyń elshisi Hon Chhol Sin, Liýksembýrg Uly Gertsogtiginiń elshisi Jorj Kamil Adolf Faber, Islandiia Respýblikasynyń elshisi Aýrni Tor Sigýrdsson, Chernogoriianyń elshisi Milorad Shchepanovich senim gramotasyn tabystady.
Qazaqstan Prezidenti elshilerdi diplomatiialyq missiialarynyń resmi túrde bastalýymen quttyqtap, ekijaqty bailanystardy odan ári nyǵaitýǵa baǵyttalǵan jumystaryna tabys tiledi.
– Qazaqstan halyqaralyq yntymaqtastyqty damytýdy qoldaidy. Biz halyqaralyq arenada «úlken oiyn» oinaýdy emes, qaita sizderdiń elderińizben birlese otyryp «úlken nátijege» qol jetkizýdi oilaimyz. Bolashaqta ártúrli salalar boiynsha yqpaldastyqty arttyramyz dep senemin. Qazaqstan sizderdiń memleketterińizben ekijaqty formatta da, halyqaralyq uiymdar sheńberinde de tyǵyz qarym-qatynas ornatýǵa beiildi ekenin jetkizersizder, – dedi Memleket basshysy.
Saltanatty rásim sońynda Qazaqstan Prezidenti Ýganda, Zambiia, Maldivter, QHDR, Liýksembýrg, Islandiia jáne Chernogoriia kóshbasshylaryna óziniń sálemin joldap, tilektestigin bildirdi.
