Foto: Sputnik Qazaqstan
Memleket basshysy belgili aqyn, mádeniet qairatkeri Serikzat Dúisenǵazyǵa uly Álihannyń mezgilsiz dúnieden ótýine orai kóńil aitý jedelhatyn joldady.
Bul týraly óziniń Facebook paraqshasynda Prezidenttiń baspasóz hatshysy Rýslan Jeldibai jazdy.
«Otbasyńyzǵa zor aýyrtpashylyq ákelgen qaraly habar bárimizge aýyr tidi. Ulyńyz Álihannyń mezgilsiz ómirden ótýine bailanysty qaiǵyńyzǵa ortaqtasyp, kóńil aitamyn.
Ata-ana úshin perzentin joǵaltýdan asqan qasiret joq. Mundai ózekti órteitin jaǵdaida sabyr saqtap, bekem bolyńyz.
Ulyńyzdyń jany jánnatta, imany salamat bolsyn! Shańyraǵyńyzǵa tek jaqsylyq tileimin!», - delingen jedelhatta.
