Qasym-Jomart Toqaev Belarýs Respýblikasynyń Prezidenti Aleksandr Lýkashenkomen telefon arqyly sóilesti, dep habarlaidy "Ult aqparat" Aqordanyń resmi saityna silteme jasap.
Memleketter basshylary Qazaqstan men Belarýs qarym-qatynasynyń negizgi aspektilerin talqylady.
Prezidentter eki el arasyndaǵy saýda-ekonomikalyq damýdyń oń dinamikasyn atap ótti.
Eki el basshylary halyqaralyq jáne aimaqtyq kún tártibiniń ózekti máseleleri boiynsha da pikir almasty. Qazaqstan men Belarýs Respýblikasynyń Eýraziia keńistigindegi integratsiialyq qurylymdar aiasynda ózara yntymaqtastyǵyna erekshe nazar aýdaryldy.
Áńgime sońynda Qasym-Jomart Toqaev Aleksandr Lýkashenkony týǵan kúnimen quttyqtady.
