Memleket basshysy Qasym-Jomart Toqaev Aziia damý bankiniń prezidenti Takehiko Nakaony qabyldady, dep habarlaidy Aqorda.
Qasym-Jomart Toqaev Takehiko Nakaoǵa iltipat bildirip, Qazaqstan men Aziia damý bankiniń arasyndaǵy áriptestiktiń 25 jyldyǵymen quttyqtady.
«Qazaqstan Úkimeti men Aziia damý banki arasyndaǵy yntymaqtastyqty damytýǵa qosqan úlesińiz úshin rizashylyq bildiremiz. Banktiń el ekonomikasynyń órkendeýine atsalysýy óte mańyzdy. Biz muny joǵary baǵalaimyz», – dedi Prezident.
Aziia damý bankiniń prezidenti Memleket basshysynyń Qazaqstan halqyna arnaǵan Joldaýymen tanys ekenin jetkizip, atalǵan strategiialyq qujattyń negizgi bólimderine, ásirese, onyń áleýmettik mańyzyna oń baǵasyn berdi. Onyń aitýynsha, Joldaýdyń maqsaty men mindeti Aziia damý bankiniń damý basymdyqtarymen úilesedi.
«Siz Joldaýyńyzda adamdardyń turmys sapasyn jaqsartýǵa jáne muǵalimderdiń jalaqysyn arttyrýǵa zor kóńil bóldińiz. Bul – adam kapitaly damýynyń mańyzdy bóligi. Biz bul baǵyttaǵy jumystardy árqashan qoldaimyz», – dedi Takehiko Nakao.
