Elbasy «Karat» jaýapkershiligi shekteýli seriktestiginiń «Dáýlet» jeke indýstriialyq aimaǵynda boldy, dep habarlaidy "Ult aqparat" Aqordaǵa silteme jasap.
Memleket basshysy nan jáne makaron ónimderin shyǵarý jónindegi tsehty aralap kórip, osy jerde óndiriletin daiyn ónim úlgilerimen tanysty.
Sonymen qatar, Qazaqstan Prezidentine Atyraý oblysyndaǵy investitsiialyq jobalar kórsetildi. Atap aitqanda, qýaty 52 megavatt bolatyn jel elektr stantsiiasy, ystyq kúiinde myrysh jalatý tsehy, robot arqyly dánekerleý ádisin qoldana otyryp, metall konstrýktsiialaryn, karbon negizindegi qýatty kabel, kreking katalizatorlaryn óndirý jónindegi kásiporyndar, farmatsevtika zaýyty, qysymdy ólsheýge arnalǵan qurylǵylar shyǵaratyn zaýyt, qus fabrikasy, aýmaǵy 20 gektar bolatyn jylyjai jáne basqa da jobalar bar.
***
«Dáýlet» jeke indýstriialyq aimaǵy – kóp salaly zamanaýi kásiporyn. Onyń quramynda nan jáne konditerlik ónimder óndiretin «Dáýlet Nan» zaýyty, aýyz sý daiyndaityn tseh, «Raihan» sharýa qojalyǵy, makaron ónimderin óndiretin tseh, diirmen, et kombinaty, tigin tsehy, sondai-aq asfaltbeton zaýyty jumys isteidi.
«Dáýlet» jeke indýstriialyq aimaǵynda 244 jumys orny ashylǵan.
