Sankt-Peterbýrgte Joǵary eýraziialyq ekonomikalyq keńes (JEEK) otyrysy barysynda Eýraziialyq ekonomikalyq komissiia alqasynyń jańa quramy bekitildi, dep habarlaidy QazAqparat.
Belarýs prezidenti Aleksandr Lýkashenko EEK-de tiimdi tóraǵalyq etkeni úshin armian tarapyna alǵys aitty.
«Bizde barlyq máseleler sheshildi, ol máseleler arasynda tóraǵalyq, Alqa tóraǵasy, personaldyq quram bar edi», - dep atap ótti ol.
Belarýs basshysy EEK Alqasynyń jańa tóraǵasy Mihail Miasnikovichti tanystyrdy. Onyń kandidatýrasyn budan buryn EAEO múshe elderi, sondai-aq JEEK qurmetti tóraǵasy Nursultan Nazarbaev qoldaǵan bolatyn.
A. Lýkashenko Joǵary eýraziialyq ekonomikalyq keńestiń kezekti otyrysyn 2020 jyldyń mamyrynda Belarýste ótkizýdi usyndy.
Sammit jumysyna Belarýs, Qyrǵyzstan jáne Resei prezidentteri - Aleksandr Lýkashenko, Sooronbai Jeenbekov jáne Vladimir Pýtin, sondai-aq Armeniia premer-ministri Nikol Pashinian qatysty. Qazaqstan tarapynan JEEK Qurmetti tóraǵasy, QR Tuńǵysh Prezidenti Nursultan Nazarbaev bardy. Budan bólek, JEEK keńeitilgen otyrysyna Moldova Prezidenti Igor Dodon qatysty.
