Memlekettik qyzmetshilerdi qysqartý sharalarynyń Prezidenttik jastar kadrlyq rezervine ótken jastarǵa qatysy joq, dep habarlaidy QazAqparat tilshisi.
«Memlekettik qyzmetshiler qatary biyl 10 paiyz, kelesi jyly 15 paiyz qyrqartylady. Bizdiń agenttik bul mejeni jyldyń basynda oryndap tastady. Bul qysartýdyń Prezidenttik jastar kadrlyq rezervine ótken 50 adamǵa eshqandai áseri bolmaidy. Olar jumysqa qabyldanady. Óitkeni olar úzdikter. Olar jumys istei alady», - dedi agenttik basshysy.
Onyń málimeti boiynsha biylǵy irikteýge qatysqan jastardyń ishinde óńirlerge baryp jumys isteýge daiyn úmitkerler kóp bolǵan.
«Ásirese jigitterdiń bári qandai óńirge jiberse de jumys isteýge daiyn ekenderin aityp otyr. Bizdegi bilikti maman tapshylyǵy kóbinese óńirlerde baiqalyp otyr. Aýdandarda, aýyldarda degen siiaqty. Qýanǵanymyz, irikteýge kelgen jigitterdiń bári qai óńirge bar dese, barýǵa daiyn ekenderin aitty. Ekibastuz, Jezqazǵan siiaqty monoqalalar bar ǵoi bizde. Qyzdardyń kóbi otbasylyq jaǵdaiyna bailanysty bas tartty. Olardy da túsinýge bolady. Al jigitter óńirlik tájiribe jinaý úshin barýǵa daiyn ekenderin aitty. Sondyqtan da olar iriktelgen 50 adamnyń qatarynda bolady. Óitkeni Prezidentke sondai adamdar kerek. «Ózimdi-ózim teksereiin dep keldim» deitinder kerek emes», - dedi Anar Jaiylǵanova.
