Mektepter men bilim berý uiymdaryna Ashyq jobasy engizile me? Bul suraqqa Bilim jáne ǵylym ministrligi Mektepke deiingi jáne orta bilim komiteti tóraǵasynyń orynbasary Jomart Qarambaev jaýap berdi, dep habarlaidy QazAqparat.
«Bul másele talqylandy, biraq ázirge josparda ǵana bar. Qazir naqty eshteńe aita almaimyz. Negizinen jańa oqý jylynan bastap joǵary oqý oryndary men kolledjderde bul jobany engizý josparlanyp otyr», - dedi Jomart Qarambaev ortalyq kommýnikatsiialar qyzmetinde ótken brifingide.
Osy sharada Mektepke deiingi jáne orta bilim komitetiniń ókili jańa oqý jylynda oqýshylardyń qalypty formatta oqý múmkindigi týraly pikir bildirgen bolatyn.
«Bul epidemiologiialyq jaǵdaiǵa bailanysty. Sheshimdi koronavirýsty taratpaý jónindegi vedomstvoaralyq komissiia shyǵaryp, ol sheshim Memlekettik sanitarlyq dárigerdiń qaýlysymen bekitiledi. Epidemiologiialyq jaǵdai jaqsarǵan kezde ministrlik dástúrli oqytý formatyna kóshýge daiyn», - degen Jomart Qarambaev BAQ ókilderiniń suraǵyna bergen jaýabynda.
