Pedagogtyń eńbek damalysy 56 kúnge deiin artady. Bul týraly QR Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«Zań jobasynda muǵalimderdiń ózderiniń biliktiligin arttyrýǵa baǵyttalǵan materialdyq yntalandyrý sharalary qarastyryldy. Materialdyq negizgi yntalandyrý retinde synyp jetekshiligi men dápter teksergeni úshin eki eselegen tólem bolmaq. Pedagog sheberligi úshin qosymsha aqy eskerilgen. Munymen qosa, tálemgerlik úshin de ústemeaqy engizilmek», - dedi ministr Parlament Májilisinde «Pedagog mártebesi týraly» zań jobasyn tanystyrý barysynda.
Sonymen qatar, zań jobasy aiasynda barlyq pedagogtar úshin eńbek demalysy kezeńin 56 kúnge deiin arttyrý qarastyrylǵan.
«Mektepterde pedogogtyq qyzmetkerlerdiń sapalyq áleýetin arttyrýdy yntalandyrý maqsatynda magistr dárejesi barlarǵa 10 AEK kóleminde qosymsha aqy qarastyrylǵan. Bul norma 5 myńnan astam pedagogtarymyzǵa qatysty bolady, sondai-aq atalǵan akademiialyq dárejesi bar jańa mamandardy tartýǵa baǵyttalmaq», - dedi A. Aimaǵambetov.
