Bilim berý uiymdaryndaǵy býlling oqýshynyń bilim alý qabileti men yntasyna keri yqpal etedi. Bul týraly QR Bilim jáne ǵylym vitse-ministri birinshi Bibigúl Asylova aitty, dep habarlaidy QazAqparat.
«Býlling, kiberbýlling, mobbing túsinikteriniń ortaq negizi bar – bul qýdalaý. Bilim berý uiymdaryndaǵy qýdalaý oqýshynyń bilim alý qabileti men yntasyna, sabaqqa qatysýyna teris yqpal etetin, olardyń akademiialyq úlgerimin aitarlyqtai tómendetetin keńinen taralǵan problema bolyp otyr», - dedi Bibigúl Asylova Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, qýdalaý saldarynan balalar oqý ornyn merziminen buryn tastap ketedi nemese basqa mektepke aýysýǵa májbúr. Sonyń saldarynan olar ózderiniń tegin bilim alý quqyqtaryn tolyq kólemde júzege asyrý múmkindiginen aiyrylady.
«Býlling balalarda qorqynysh jáne qaýipsizdiktiń joqtyǵyn sezdiredi. Munyń ózi tálim-tárbie berý mindetterine qarama-qaishy jáne qaýipsiz ári qolaily ortada bilim alý quqyqtarynan aiyrady», - dedi QR Bilim jáne ǵylym vitse-ministri.
