Foto: egemen.kz
Mektepte terakt bolady dep aqparat taratqandar izdestirilip jatyr, dep habarlaidy Qaraǵandy oblystyq politsiia departamenti.
Politsiianyń aitýynsha, habarlama taratqan kúdiktilerdi tabý úshin keshendi sharalar uiymdastyrylǵan.
"Oqý oryndarynyń qaýipsizdigin qamtamasyz etý, onyń ishinde beinebaqylaý arqyly jáne olarǵa jaqyn jerlerde politsiia jasaqtaryn kóbeitý arqyly qaýipsizdikti kúsheitý jumystaryna erekshe nazar aýdaryldy", - deidi vedomstvo.
Politsiia azamattardan arandatýshylardyń jalǵan aqparatyna senbeýge, tynyshtyqty saqtaýǵa shaqyrdy. Aitýlarynsha, jaǵdai quqyq qorǵaý organdarynyń baqylaýynda.
Osyǵan uqsas jalǵan habarlamalar biyl jyl basynda kórshiles memleketterdiń birqatar qalalarynda, sondai-aq Qazaqstannyń ózge oblystarynda da bolǵan. Saldarynan halyq arasynda biraz dúrbeleń týdy.
