© Sputnik / Vladislav Vodnev
Oqý-aǵartý ministri Ashat Aimaǵambetov Prezident tapsyrmasy boiynsha birneshe pánniń saǵat sany ulǵaiatynyn málimdedi, dep habarlaidy Sputnik Qazaqstan.
Memleket basshysy biylǵy Joldaýynda joǵary synyptarda jaratylystaný-matematika men aǵylshyn tilin oqytýdy kúsheitý qajettigin aitty. Osyǵan orai, ministrlik oqý baǵdarlamalaryn jańartýdy josparlap otyr.
"Prezident jaratylystaný-matematika tsiklindegi jáne tildik pánderge basymdyq berýdi tapsyrdy. Matematika, fizika, himiia, biologiia pánderin oqytý saǵattary baǵdarlamada ulǵaiady. Oqý baǵdarlamalary jańartylady", - dedi Aimaǵambetov Úkimettiń búgingi otyrysynda.
Budan bólek, tómengi synyptardan bastap aǵylshyn tilin oqytý saǵattary kóbeiedi.
"Halyqaralyq tájiribege sáikes, 2024 jyldan bastap 3-synypta aǵylshyn tilin oqytý saǵattaryn kóbeitý, qazaq jáne orys tilderin meńgerýge qajetti jaǵdai jasaý boiynsha is-sharalardy qabyldaimyz", - dep atap ótti ministr.
